Нацысцкія графіці на вуліцах Магілёва (Фота)

У цэнтры горада з'явіліся графіці з нацысцкай сімволікай.

Хто і калі іх зрабіў, невядома, паведамляе «Радыё Свабода».

Нацысцкія графіці, зробленыя пад трафарэт, з'явіліся насупраць мемарыяльнага знака «У памяць аб яўрэях - ахвярах нацызму». Іншыя надпісы і малюнкі былі заўважаныя ў некалькіх месцах у раёне вуліцы Лазарэнкі, у тым ліку - на доме, дзе ўсталяваная мемарыяльная дошка ў памяць аб савецкім генерале, загінулым падчас вызвалення Магілёўскай вобласці, у гонар якога названая вуліца.

Камунальныя службы не зафарбоўваюць надпісы і малюнкі.