У аэрапорце «Менск» здзейсніў аварыйную пасадку самалёт Air France
37- 9.12.2012, 13:34
У Нацыянальным аэрапорце 9 снежня ў сярэдзіне дня зрабіў аварыйную пасадку пасажырскі самалёт.
Гэтую інфармацыю пацвердзілі ў прэс-цэнтры аэрапорта, піша TUT.BY.
Як паведаміла начальніца прэс-службы аэрапорта Юлія Фядотава, у 12.09 у Нацыянальным аэрапорце «Менск» здзейсніў вымушаную пасадку самалёт авіякампаніі Air France, які выконваў рэйс «Парыж - Масква-Шарамецьева». На борце Airbus A-319 знаходзілася 90 пасажыраў.
Прычынай стала разгерметызацыя салона самалёта. Экіпаж прыняў пастанову аб аварыйнай пасадцы. У цяперашні час самалёт знаходзіцца на стаянцы ў менскім аэрапорце, усе пасажыры на борце. Экіпаж звязваецца з кампаніяй, каб вырашыць пытанне аб ліквідацыі тэхнічнай праблемы.