Таксісты павялічваюць кошты

З 20 лютага ў Баранавічах кошт праезду ў таксі павялічыўся ў сярэднім на 5000 рублёў.

Як распавялі ў службе таксі «152», кошт праезду з 20 лютага вырас да 20 тысяч за паездку да 3-х кіламетраў (раней пасажыры плацілі 15 тысяч за такую ​​ж паездку). У той жа час паменшыўся кошт кіламетра - з 1500 да 1300 тысяч рублёў, піша intex-press.by.

Служба таксі «135» і «107» павялічыла кошт праезду з 20 да 25 тысяч за паездку да 8 кіламетраў, а кошт кіламетру звыш гэтай адлегласці застаўся ранейшым - 2,5 тысячы.

Усе службы таксі адзначаюць, што павелічэнне кошту праезду звязанае з тым, што зменшылася колькасць выклікаў таксі. «У маразы попыт на таксі ўзрос напалову, а цяпер прыкметна ўпаў, мы стратныя», - распавяла дыспетчарка адной з службаў.

Такім чынам, за паездку ў пяць кіламетраў у службе таксі «152» патрэбна заплаціць 22.600 рублёў, у службах таксі - «107» і «135» - 25 тысяч рублёў, за паездку ў 8 кіламетраў на таксі «135» і «107» прыйдзецца аддаць 25 тысяч рублёў, а на таксі «152» на 200 рублёў больш. За паездку ў 10 кіламетраў - у таксі «152» трэба будзе заплаціць каля 29 100 рублёў, у іншых службах таксі - 30 тысяч рублёў.