Крэмль спалохаўся прагнозу галоўнага эканаміста ВЭБа

Яго вырашылі звольніць.

Галоўнага эканаміста Знешэканамбанка (ВЭБ.РФ) Андрэя Клепача звольнілі пасля таго, як у СМІ разышліся цытаты яго выступу на сесіі Нікіцкага клуба пра рызыку паразы Расіі. Як паведаміў The Bell знаёмы эканаміста, кіраўнік ВЭБа Ігар Шуўалаў звольніў Клепача пасля 12 гадоў працы «па званку зверху». Іншая крыніца пацвердзіла, што прычынай сталі публічныя заявы пра адставанне Расіі, якая не зможа выйграць у «вайне на знясіленне», бо Украіну падтрымлівае Захад.

Клепач, у прыватнасці, казаў, што выдаткі айчыннай эканомікі ад санкцый і заходняй блакады растуць, шкода ад украінскіх удараў па партах, па інфраструктуры, па хімічных і нафтавых заводах павялічваецца, адначасова Расія не паспявае за тэхнічным прагрэсам. «Мы адстаём. Мы прайграем і тэхналагічную, і эканамічную канкурэнцыю ў свеце. Прычым, як я ўжо сказаў, мы яе прайграем не толькі Кітаю і ЗША, мы ў нечым яе прайграем Украіне… У нас ёсць ілюзія, што там усё рухне. Не рухнула і не рухне. У нас нарастаюць выдаткі», — падкрэсліваў Клепач. Ён таксама папярэджваў пра пагрозу ўзнікнення сацыяльнага крызісу ў Расіі, «прычым тады, калі яго асабліва ніхто не чакае», і параўноўваў сітуацыю з той, што была напярэдадні Лютаўскай рэвалюцыі 1917 года і распаду СССР у 1991 годзе.

ВЭБ — ключавы расійскі дзяржбанк, які фінансуе нацпраекты Крамля і мае статус «дзяржкарпарацыі развіцця». Да прыходу ў арганізацыю Клепач правёў 10 гадоў у Міністэрстве эканамічнага развіцця, пачаўшы кар’еру з пасады дырэктара дэпартамента макраэканамічнага прагназавання. З 2008 па 2014 гады ён займаў пасаду намесніка міністра — за гэты час у ведамстве змяніліся тры кіраўнікі: Эльвіра Набіуліна, Андрэй Белавусаў і Аляксей Улюкаеў.

«Звальненне Клепача — аднаго з найлепшых макраэканамістаў Расіі — наўрад ці адтэрмінуе надыходзячы крызіс, пра які ён кажа. Не бачыць праблемы ў ледзь адрозных ад нуля тэмпах эканамічнага росту, двуххуткаснай прамысловасці, спаде інвестыцый пры росце непрадукцыйных абаронных выдаткаў могуць толькі прапагандысты на зарплаце, а не паважаныя эканамісты», — пракаментавала сітуацыю старшая навуковая супрацоўніца Берлінскага цэнтра Карнегі Александра Пракапенка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com