22 студзеня 2022, Субота, 17:49
Сім сім, Хартыя 97!
Рубрыкі

БТ пагражае Саннікаву і Бандарэнку вяртаннем у турму

116
БТ пагражае Саннікаву і Бандарэнку вяртаннем у турму

Сюжэт пра вызваленых палітвязняў паказалі на БТ увечары 17 красавіка.

Прапагандысты заяўляюць, што Андрэй Саннікаў і Зміцер Бандарэнка нібыта неадэкватна адрэагавалі на вызваленне, перадае «Еўрарадыё».

Абурэнне лукашэнкаўскага тэлеканала выклікалі заявы Саннікава аб тым, што ў калоніі яго маглі давесці да смерці, і заява Бандарэнкі аб наяўнасці сеткі канцлагераў ў Беларусі.

На іх думку, такія заявы сведчаць аб тым, што палітвязні шкадуюць аб памілаванні. І ў такім выпадку Саннікава і Бандарэнку можна зноў вярнуць за краты - нібыта «ў строгай адпаведнасці з літарай закона». Праўда, не ўдакладняецца, якім законам можна адмяніць памілаванне.