13 снежня 2019, Пятніца, 14:28
Засталося зусім крыху
Рубрыкі

Шведскі пілот Томас Мазэцці: Дыктатар неадэкватны

109
Шведскі пілот Томас Мазэцці: Дыктатар неадэкватны

Studio Total пракаментавала charter97.org запрашэнне яе супрацоўнікаў у беларускі КДБ для дачы паказанняў.

«Studio Total можа каментаваць абвінавачванні толькі пасля таго, як азнаёміцца з імі. Але публікацыя фатаграфій у Інтэрнэце не можа быць незаконнай. Больш за тое, факт перасячэння мяжы і скіду мішак пацвердзіў сам Лукашэнка, гэта значыць на фотаздымках, якія ўсяго толькі (!) размясціў у інтэрнэце Антон Сурапін, няма нічога надуманага. Што датычыцца Сяргея Башарымава, то тады трэба арыштоўваць і прад'яўляць абвінавачванні ўсім: тым, хто здаў нам напракат аўтамабіль, прадаў квіткі на самалёт... У гэтым няма ніякай логікі, ніякага сэнсу. Проста спроба прадэманстраваць сваю ўладу. Нерацыянальныя дзеянні з боку Лукашэнкі, які, мяркуючы па ўсім, знаходзіцца ў поўным адчаі і неадэкватна ўспрымае тое, што адбываецца.

Studio Total не атрымлівала ніякіх пісьмовых запрашэнняў ад КДБ, так што каментаваць складана. Але хай шлюць - Studio Total з цікавасцю пачытае і абдумае», - заявіў charter97.org Томас Мазэцці, які здзейсніў палёт у Беларусь.

Пілот таксама паведаміў, што ў апошні час на электронны адрас студыі прыходзіць вялікая колькасць ананімных лістоў з пагрозамі - верагодна, ад прадстаўнікоў беларускіх спецслужбаў.

КДБ сёння афіцыйна абвясціў аб прад'яўленні абвінавачвання Антону Сурапіну і Сяргею Башарымаву. Іх абвінавачваюць па ч. 6 арт. 16 (дапамога ў здзяйсненні злачынства) і ч. 3 арт. 371 (незаконнае перасячэнне дзяржаўнай мяжы Рэспублікі Беларусь) КК. Маладым людзям пагражае ад 3 да 7 гадоў пазбаўлення волі.

Як паведамляў сайт charter97.org, 4 ліпеня беларускую мяжу незаўважна для СПА перасёк лёгкаматорны шведскі самалёт. Над Івянцом і ўскраінамі Менска з яго былі скінутыя плюшавыя мядзведзі з плакатамі ў падтрымку свабоды слова ў Беларусі. Улады Беларусі не прызнавалі факту палёта да 26 ліпеня, заяўляючы, што «вядзецца праверка». Тым часам былі затрыманыя фатограф Антон Сурапін, які выклаў у інтэрнэце фота плюшавых мядзведзяў, знойдзеных пад Івянцом, а таксама рыэлтар Сяргей Башарымаў, які ў Менску здаваў шведам кватэру.

Пасля гэтага Лукашэнка зняў з пасад старшыню Дзяржпамежкамітэта генерал-маёра Ігара Рачкоўскага і камандуючага ВПС і войскамі СПА Узброеных Сіл генерал-маёра Зміцера Пахмелкіна. З краіны быў высланы амбасадар Швецыі Стэфан Эрыксан.