Людзі ў цывільным сарвалі пікет Дабратвора
2- 10.10.2013, 15:47
- 8,592
Супрацоўнікі міліцыі ў цывільным блакавалі пляцоўку перад офісам фірмы Kapsch, дзе грамадскі актывіст Ілля Дабратвор планаваў правесці пікет.
Актывіст паведаміў «Радыё Свабода», што, падышоўшы да будынка офіса, ён убачыў вялікую колькасць людзей у цывільным.
«Таму было відавочным, што пачатак пікету азначаў бы пасадку. Я вырашыў яго сёння не праводзіць, але ўсё ж выкажу сваю пазіцыю. Але пакуль я пра гэта не буду паведамляць», - сказаў Ілля Дабратвор.
Актывіст Ілля Дабратвор збіраўся пікетаваць менскі офіс фірмы Kapsch, нягледзячы на тое, што Менгарвыканкам не дазволіў акцыю.
Ён адзначыў, што лічыць сваё звальненне ў верасні з беларускага аддзялення аўстрыйскай фірмы Kapsch палітычна матываваным.
Таксама актывіст паведаміў, што падаў у Фрунзенскі суд Менска пазоў аб аднаўленні на працы.
Актывіст Ілля Дабратвор 30 жніўня праехаў ў менскім метро з разгорнутым бел-чырвона-белым сцягам у гонар вызвалення лідара «Маладога фронту» Змітра Дашкевіча. Актывіста затрымалі і адвезлі ў турму на Акрэсціна. 2 верасня суд арыштаваў яго на 5 сутак.
Фота: «Радыё Свабода»