Беларуская гарналыжніца ўпершыню патрапіла ў топ-30 на ЧС

Лепшая беларуская гарналыжніца Марыя Шканава заняла 30-е месца ў суперкамбінацыі на чэмпіянаце свету па гарналыжным спорце, які праходзіць у аўстрыйскім Шладмінгу.

Пра гэта паведамілі БелТА ў Беларускай федэрацыі гарналыжнага спорту.

Раней з прадстаўнікоў Беларусі ў топ-30 на чэмпіянатах свету прабіваліся толькі мужчыны (Юрый Данілачкін заняў 20-е месца на сусветным форуме ў германскім Гарміш-Партэнкірхене ў 2011 годзе).

У аўстрыйскім Шладмінгу шматлікім вядучым спартсменкам свету не скарылася складаная камбінацыя змеек і шпілек, выстаўленая пастаноўшчыкам слаламнай трасы са Славеніі. У прыватнасці, не змаглі фінішаваць Лара Гут (Швейцарыя) і Анна Фенінгер (Аўстрыя), якія знаходзіліся ў ліку лідэраў пасля хуткаснага спуску.

Марыя Шканава пабудавала гонку тактычна правільна і акуратна прайшла складаную трасу хуткаснага спуску і таксама тэхнічна завяршыла горналыжнае дваябор'і ў слаламе.

Гэты вынік можа апынуцца добрай стартавай пляцоўкай пры падрыхтоўцы да Алімпійскіх гульняў у Сочы-2014. У Марыі ёсць добры шанец для паляпшэння выніку ў камбінацыі, бо ў Аўстрыі яна ўпершыню за пяць гадоў праверыла сябе ў хуткасным спуску. Тут схаваныя добрыя рэзервовыя магчымасці для росту спартыўных вынікаў, лічаць у Беларускай федэрацыі гарналыжнага спорту.

Чэмпіянат свету ў Шладмінгу тым часам працягваецца. Наперадзе ў спартсменаў старты ў мужчынскай суперкамбінацыі, слаламе і слаламе-гіганце.