Маці замарожаных немаўлятаў апынулася памерлая менчанка

Эксперты ўстанавілі біялагічных бацькоў немаўлятаў, чые целы былі выяўленыя ў маразільніку адной з кватэр Фрунзенскага раёна Менска.

«Біялагічнай маці з'яўляецца менчанка 1976 года нараджэння, якая памерла ад невылечнага захворвання напярэдадні выяўлення трупаў немаўлятаў. Біялагічны бацька таксама ўстаноўлены, аднак інфармацыя пра яго асобу з'яўляецца таямніцай следства», - паведаміў агенцтву «Інтэрфакс-Захад» у чацвер афіцыйны прадстаўнік упраўлення Следчага камітэта пра Менску Аляксандр Герасімаў.

Паводле яго слоў, «у ходзе складанай комплекснай экспертызы пэўна ўстаноўлена, што ўсе тры немаўля народжаныя даношанымі, але мёртвымі». Іх смерць наступіла незадоўга да традыцыйнага тэрміну нараджэння ў выніку ўнутрычэраўнага кіслароднага галадання. Па шэрагу прыкмет эксперты мяркуюць, што дзеці народжаныя па-за медыцынскага стацыянара. «У ходзе расследавання фактаў, якія пацвярджаюць зварот памерлай маці ў медыцынскія ўстановы ў перыяды цяжарнасці, не ўстаноўлена», - адзначыў А.Герасімаў.

Экспертныя даследаванні праводзіліся ў ходзе расследавання крымінальнай справы, распачатай 23 студзеня 2013 г. па факце выяўлення ў адной з менскіх кватэр трох трупаў немаўлятаў (п. 2 ч. 2 арт.139 КК Рэспублікі Беларусь), удакладніў Герасімаў. Расследаванне дадзенай крымінальнай справы працягваецца, адзначыў прадстаўнік УСК.