Лідскія рэаліі: расслабляльныя ўдары і адборны мат

Супрацоўнікі Лідскага РАУС не пакідаюць надзей апраўдаць здзекі над затрыманымі.

У судзе Лідскага раёна пачаўся паўторны разгляд адміністрацыйнай справы ў дачыненні да Багдана Шкурко, збітага міліцыянтамі ў ноч з 17 на 18 лістапада мінулага года.

Два месяцы таму ён быў прызнаны вінаватым у здзяйсненні адміністрацыйнага правапарушэння і аштрафаваны судом Лідскага раёна на 2,5 мільёна рублёў. Тады яму прад'явілі абвінавачванні ў «дробным хуліганстве» і «непадпарадкаванні супрацоўнікам міліцыі».

4 лютага 2013 года Гродзенскі абласны суд адмяніў пастанову і накіраваў справу на новы разгляд, піша сайт праваабарончай арганізацыі «Платформа».

У сваёй пастанове суддзя Эдуард Друц адзначыў адсутнасць усебаковага, поўнага і аб'ектыўнага даследавання абставін адміністрацыйнага правапарушэння і паказаў на шэраг супярэчнасцяў у паказаннях і пратаколах саміх супрацоўнікаў Лідскага РАУС. Акрамя таго, ён звярнуў увагу на адмову даследаваць відэазапісы камер назірання.

Такім чынам спроба лідскіх міліцыянтаў правесці адміністрацыйны працэс, да якога была прыцягнутая ўвага СМІ, хутка і непрыкметна з трэскам правалілася. Рашэнне суда па адміністрацыйным правапарушэнні магло стаць дадатковым доказам абвінавачванняў, прад'яўленых брату Багдана - Івану Шкурко ў рамках крымінальнай справы па артыкуле 363 КК («Супраціў супрацоўніку органаў унутраных спраў або іншай асобе, якая ахоўвае грамадскі парадак»).

Аднак юрыдычны «бліцкрыг» не толькі пацярпеў фіяска, але і стаў прымаць цікавыя абароты.

Прадстаўнікі РАУС паспрабавалі перакласці ўсю віну на непаўналетніх ахоўнікаў клуба, якія выцягнулі, па іх словах, братоў на вуліцу, дзе міліцыянты ўжо і ўжылі пярцовы газ і дубінкі. Пры гэтым супрацоўнікі, якія давалі паказанні ў першым пасяджэнні, казалі, што ўжывалі фізічную сілу ў выглядзе «расслабляльных удараў» (ці то самі расслабляліся, ці то спрабавалі расслабіць маладых хлопцаў, якія ляжалі без прытомнасці), на гэты раз паказалі толькі на ўжыванне газу і кайданкоў .

Не засталося ў баку і кіраўніцтва клуба. Асабліва падабаеца фраза яго дырэктара: «там пачалася мітусня, міліцыянтаў дубасіў і цягаў ужо ўвесь натоўп, хапалі за тое, што бачылі, махалі рукамі і нагамі». Каго менавіта меў на ўвазе дырэктар - сказаць складана. А прыём на працу ў клуб, які працуе ноччу, непаўналетніх хлопцаў, якія фактычна і справакавалі збіццё братоў Шкурко, кажа пра тое, што арганізацыя працы падведамнага яму прадпрыемства, мякка кажучы, далёкая ад ідэалу. Як і самі паводзіны кіраўніка, які ўпарта маўчыць пра сваю гутарку з Багданам Шкурко, якая прайшла да прыбыцця міліцыі і зафіксаваная камерамі відэаназірання. Відавочна, што да працы, як дырэктара, так і самой установы ў далейшым можа з'явіцца маса пытанняў. Але гэта ўжо зусім іншая юрысдыкцыя.

А ў адміністрацыйным працэсе, які фактычна праходзіць пад лозунгам: «гэта не я і хата не мая», суд часам аказваецца ў даволі нязручным становішчы.

У адказ на пытанне адваката сведку, у старэйшага сяржанта Строка А.Е., па рапарту якога распачатая крымінальная справа ў дачыненні да Івана Шкурко, здалі нервы. Ён здзівіў усіх, раптам закрычаў: «Ды што вы б...ь на яго цісніце».

Такога павароту ніхто не чакаў, асабліва старшыня, які папросту разгубіўся. Першым, хто прыйшоў у сябе ад слоў старэйшага сяржанта, быў адвакат Багдана Шкурко, які папрасіў занесці іх у пратакол.

Наступнае пасяджэнне суда па справе Багдана Шкурко адбудзецца ў аўторак 9 красавіка.