Час у дарозе з Менску да Вільні скароціцца да 2 гадзін

Час падарожжа чыгункай паміж Менскам і Вільняй у 2015 годзе плануецца скараціць да двух гадзін.

Аб гэтым паведаміў сёння ў Менску на канферэнцыі, прымеркаванай да адкрыцця прадстаўніцтва АТ «Літоўскія чыгункі» ў Беларусі, намеснік генеральнага дырэктара АТ - кіраўнік дырэкцыі пасажырскіх перавозак Раймондас Бурковскіс, паведамляе БелТА.

Раймондас Бурковскіс адзначыў, што 26 траўня скончыцца другі этап рэалізацыі праекта стварэння хуткасных злучэнняў паміж сталіцамі Беларусі і Літвы. З гэтай даты час у дарозе паміж Менскам і Вільняй скароціцца з 3 да 2,5 гадзін. Пры гэтым ён нагадаў, што ў траўні 2011 года выдаткі часу на перасоўванне зменшыліся з 4 да 3 гадзін. У выніку ў 2012 годзе плынь пасажыраў паміж Менскам і Вільняй вырасла на 66%.

З 26 траўня пасажыры змогуць трапіць з Менска ў Вільню за 2,5 гадзіны, у тым ліку за кошт закупкі «Літоўскай чыгункай» новых дызель-цягнікоў. Іх максімальная тэхнічная хуткасць складае 140 км/г. Пры павелічэнні колькасці пасажыраў яны могуць курсаваць здвоеным складам.

Цяпер на Віленскім вакзале абсталюецца пункт памежнага і мытным кантролю пасажыраў, які будзе мець сучаснае абсталяванне для праверкі багажу. У зале тэрмінала пасажыры здолеюць бясплатна скарыстацца WI-FI. Там таксама будзе арганізаваная крама бязмытнага гандлю Duty Free.

Намеснік гендырэктара АТ паведаміў, што новы расклад цягнікоў Менск - Вільня - Менск ужо створаны. Ён дадаў, што ў 2015 годзе плануецца скончыць 3 этап праекта арганізацыі хуткаснага злучэння паміж сталіцамі Беларусі і Літвы пасля электрыфікацыі чыгуначнай лініі. Замест дызельных на чыгунцы будуць курсаваць двухпавярховыя цягнікі, максімальная хуткасць якіх складзе да 160 км/г.