Тэлеканал СТВ апублікаваў мапу свіной чумы ў Беларусі
26- 23.08.2013, 11:32
- 41,081
Вірус АЧС паразіў амаль трэць тэрыторыі краіны.
Гэта вынікае з мапы, якая ляжыць на стале перад адным з чыноўнікаў, які прымаў удзел ва ўчорашняй нарадзе па пытаннях барацьбы з эпідэміяй. Кадры з дакументам паказаў у вячэрнім выпуску навінаў тэлеканал СТВ.
Чырвоным колерам на мапе паказаныя два ачагі распаўсюджвання АЧС, а жоўтым - буферныя зоны. Як відаць з дакумента, эпідэмія распаўсюдзілася практычна на ўсю Гродзенскую і ўсход Віцебскай вобласці, а таксама закранула тэрыторыі суседніх з імі Брэсцкай, Менскай і Магілёўскай абласцей.
Раней афіцыйных дакументаў, у якіх былі б дакладна пазначаныя межы распаўсюджвання чумы, улады не публікавалі.