25 красавiка 2024, Чацвер, 5:03
Падтрымайце
сайт
Сім сім,
Хартыя 97!
Рубрыкі

Юрый Рубцоў: Нас прымушаюць прыстасоўвацца і жыць паводле паняццяў

8
Юрый Рубцоў: Нас прымушаюць прыстасоўвацца і жыць паводле паняццяў

Гомельскі актывіст распавёў аб шакавальным выпадку на «Гомельводаканале».

- Гэта было ў 2004 годзе, калі на прадпрыемствах былі масава ўведзеныя працоўныя кантракты, - кажа Юрый Рубцоў у інтэрв'ю praca-by.info. - Гэта быў апагей рэжыму, бо практычна ўсе людзі сталі рабамі. Дарэчы, гэта многія разумеюць. Прыкладна праз паўгода пасля ўвядзення кантрактаў я быў шакаваны наступным выпадкам.

Неяк увечары мы сабраліся на працы на «Гомельводаканале». Падышоў наш начальнік і сказаў аднаму: «Так, заўтра нядзеля, ты павінен прывесці сваю дачку ў лазню, каб памыла мне спінку». Гэты кіроўца адказаў: у мяне дрэнна са слыхам, можа быць ты паўторыш? Начальнік яму паўтарыў свае словы. Кіроўца разгарнуўся і даў яму ў сківіцу.

Як вы думаеце, хто застаўся працаваць на прадпрыемстве? Вядома ж начальнік. Кіроўцу проста не працягнулі кантракт».

Са слоў Юрыя Рубцова цяпер кіраўнік кожнага прадпрыемства можа прымусіць падначаленага рабіць усё, што заўгодна.

«Практычна ўсё насельніцтва краіны перавялі на часовую працу, - кажа ён. - Ці застанецца яна ў іх, залежыць ад таго, ці будуць працоўныя беспярэчна падпарадкоўвацца начальніку. А бо ёсць і такія начальнікі, якія прымушаюць людзей працаваць на сябе, на сваю гаспадарку.

Дарэчы, суддзі, якія сядзяць на кантрактах, таксама залежаць ад улады.

Я цяпер з'яўляюся чальцом прафсаюза РЭП, але, дарэчы, калі ў 2004 годзе мне прапанавалі ўвайсьці ў яго, я адмовіўся. У 2005 годзе я быў у складзе камісіі, якая распрацоўвала калектыўную дамову. У яе хацелі ўнесці пункт аб тым, што калектыўная дамова распаўсюджваецца толькі на чальцоў прадзяржаўнага прафсаюза. У знак пратэсту я выйшаў з прафсаюза. Мне перасталі выплачваць частку даплат. Праз суд я дамогся, каб мне ўсё выплацілі - паўтара года судзіўся. Пасля гэтага на прадпрыемстве ўсім работнікам, у тым ліку, не чальцам прадзяржаўнага прафсаюза, сталі ўсё выплачваць».

Нас прымушаюць прыстасоўвацца і жыць паводле паняццяў. І мне гэта не падабаецца.

Нагадаем, 6 кастрычніка гомельскага актывіста Юрыя Рубцова прызналі вінаватым паводле артыкула 391 Крымінальнага кодэкса ў «абразе суддзі». Ён быў прысуджаны да абмежавання волі на 2 гады і 6 месяцаў з накіраваннем ва ўстанову адкрытага тыпу. Тэрмін быў скарочаны на адзін год па амністыі. 16 кастрычніка Юры Рубцоў праз пошту абскардзіў прысуд.

Напісаць каментар 8

Таксама сачыце за акаўнтамі Charter97.org у сацыяльных сетках