У Польшчы пачынаюцца першыя вайсковыя вучэнні «кааліцыі ахвотных»
- 9.11.2026, 10:28
У іх возьмуць удзел каля 2800 вайскоўцаў з 11 краін.
У Польшчы 9 лістапада пачнуцца першыя сумесныя вайсковыя вучэнні «кааліцыі ахвотных». Каля 2800 вайскоўцаў з 11 краін будуць удзельнічаць у манеўрах, якія працягнуцца да 22 лістапада. Пра гэта паведаміла прэс-служба Узброеных Сіл Францыі.
Вучэнні праходзяць пад кіраўніцтвам Францыі і Вялікабрытаніі. Іх мэта — адпрацаваць механізмы забеспячэння доўгатэрміновай бяспекі Украіны пасля заканчэння вайны. Найбольш буйныя кантынгенты накіруюць Францыя (1100 вайскоўцаў) і Вялікабрытанія (300).
Паводле звестак СМІ, Германія накіруе каля дзесяці штабных афіцэраў, самалёты-запраўшчыкі і падраздзяленні матэрыяльна-тэхнічнага забеспячэння. Акрамя таго, краіна акажа лагістычную падтрымку пры перакідцы войскаў і забеспячэнні праз сваю тэрыторыю.
Як піша «Нямецкая хваля», авіяцыйная і сухапутная часткі вучэнняў адбудуцца ў раёне горада Нова-Дэмба на паўднёва-ўсходзе Польшчы, прыкладна за 100 км ад мяжы з Украінай. «Асобныя элементы будуць адпрацоўвацца таксама ў Францыі, у штабе Шматнацыянальных сіл для Украіны (Multinational Force Ukraine, MNF-U) у Парыжы, а марскі кампанент вучэнняў — мадэляванне аперацый па забеспячэнні бяспекі і размінаванні ў Чорным моры — будзе адпрацоўвацца пад кіраўніцтвам Турцыі са Стамбула», — гаворыцца ў матэрыяле.
Акрамя Францыі, Вялікабрытаніі і Германіі, у манеўрах возьмуць удзел Бельгія, Эстонія, Літва, Нідэрланды, Польшча, Іспанія, Швецыя і Турцыя. Цяпер у «кааліцыю ахвотных» уваходзяць каля 35 дзяржаў.
DW нагадвае, што ў выпадку замірэння паміж Кіевам і Масквой кантынгент «кааліцыі ахвотных» можа быць размешчаны на тэрыторыі Украіны. Яго задачы — садзейнічаць аднаўленню баяздольнасці і падрыхтоўцы Узброеных Сіл Украіны (ЗСУ), умацоўваць бяспеку паветранай і марской прасторы і не дапусціць паўторнай расійскай агрэсіі.
🇫🇷🇬🇧 KOALICJA : La MNF-U s'entraîne en vue de garantir une paix solide et durable en Ukraine
La Force multinationale-Ukraine (MNF-U), issue de la Coalition des volontaires et sous commandement 🇫🇷🇬🇧 lance son premier grand exercice de préparation : KOALICJA
📅 Du 9 au 22 novembre 2026
📍En Pologne, en Turquie et en France
👥 2 800 soldats issus de 11 nations
À la tête de cet exercice, le lieutenant-général 🇬🇧 Bateman vous explique ⬇️
— Armée française - Opérations militaires (@EtatMajorFR) November 7, 2026
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
