На мяжы з Расеяй пратэставалi кіроўцы
23- 8.12.2014, 13:47
- 62,053
Кіроўцы незадаволеныя вялізнымі чэргамі.
Відавочцы паведамлялі аб гіганцкіх «корках» на мяжы ў мінулыя выходныя. Верагодна, чэргі былі звязаныя з рэзкім падзеннем цэн у Расеі, з прычыны чаго беларусы хлынулі туды для пераднавагодняга шопінгу.
Сёння сталі вядомыя новыя абставіны: чытач charter97.org паведамляе пра незадаволенасць аўтамабілістаў у сувязі з узмоцненым рэжымам праверкі з боку беларускіх мытнікаў у выходныя.
«У суботу тэлефанаваў бацька аднаго, ён дальнабойнік, ехаў з Расеі ў Беларусь на грузавіку. Тэлефанаваў, каб даць паслухаць, як уся шматкіламетровая чарга цісне на гудок у якасці незадаволенасці. Сказаў, што беларусы зачынілі мяжу і ўсіх «шманаюць». З ягоных слоў, чарга была каля 25 кіламетраў, але, магчыма, гэта былі яго эмоцыі», - піша ён.
Нагадаем, праз сукупнасць палітычных і эканамічных фактараў, прынамсі, праз падзенне коштаў на нафту, у Расеі пачаўся абвал рубля, што прывяло да абвалу коштаў. Беларусы хутка зарыентаваліся і адправіліся ў Расею за аўтамабілямі, тэхнікай і харчовымі таварамі.