Лепшая навагодняя рэклама (Відэа)
7- 9.12.2014, 18:31
- 15,178
Дух Новага года пачынае лунаць у паветры.
І ўжо ў снежні, каб наладзіцца на святочны лад, AdMe.ru вырашыў сабраць лепшыя калядныя ролікі апошніх гадоў, якія даказваюць, што навагодняя рэклама - гэта сапраўднае мастацтва, якое не шматлікім пад сілу.
Гісторыя пра маленькага пінгвіна і ягонага сябра
Прыгатуйце насавыя хусткі - яны спатрэбяцца ў фінале роліка аб маленькім Монці. Усё ж такі ў John Lewis умеюць здымаць калядную рэкламу, як ніхто.
Надзвычайны ролік Apple аб разуменні
Выдатна. Проста выдатна. За гэтыя паўтары хвіліны з дапамогай простых жыццёвых сітуацый і дэталяў стваральнікам роліка атрымалася перадаць дух свята, які збліжае нас усіх.
Каляды прымірэння
Два войска сустрэліся, каб пагуляць у футбол, абмяняцца падарункамі і павіншаваць адзін аднаго з Калядамі. Sainsbury's натхнілася рэальнай гісторыяй, якая адбылася 100 гадоў таму.
Калядная гісторыя кахання ад John Lewis
Навагоднія ролікі ад брытанскага рытэйлера John Lewis - гэта заўсёды шэдэўры. Гісторыя снегавіка, які зрабіў небяспечнае падарожжа дзеля сваёй другой палоўкі, даказвае, што для кахання няма ніякіх перашкод. Асабліва пад Новы год.
Лепшыя Каляды
Лепшыя аніматары Disney уручную і з любоўю знялі кранальную гісторыю пра мядзведзя, якому ніколі не пазнаць, што Каляды - самы добрае і светлае свята на свеце. Таму што кожную зіму ён упадае ў спячку. Аднак у гэтым годзе ў ягонага лепшага сябра, зайца, ёсць адна бліскучая ідэя. У гэтым годзе ўсё будзе па-іншаму.
Лісты Дзеду Марозу
У OBI атрымалася зрабіць вельмі душэўны ролік пра тое, што чаканне цудаў з узростам нікуды не знікае і ў Дзеда Мароза вераць і дарослыя - толькі па-свойму.
Мары спраўджваюцца
Гэтая рэкламная кампанія авіяперавозчыка WestJet прымусіла паверыць у цуд увесь аэрапорт і яшчэ 32 мільёны чалавек, якія паглядзелі гэты ролік.
Выратаванне каляднага гусака
Ідэальная атмасфера блізкага свята: заснежаная хатка, падрыхтоўка багатага пачастунку, свечкі і накрыты стол. Але Mercedes-Benz паказаў гледачам Каляды вачыма гусака, якому вельмі пашанцавала.
Ён існуе!
Гэтую рэкламу M&M's, здаецца, памятаюць і любяць усе - ад малога да вялікага. Навагодні настрой ад яе не проста ўзмацняецца, а пачынае іграць новымі фарбамі.
Святы набліжаюцца з Coca-Cola
Знакамітая навагодняя рэклама Coca-Cola са святочнымі зіхатлівымі грузавікамі стала адным з галоўных сімвалаў навагодняга настрою - разам з упрыгожанай елкай і падарункамі. Роліку ўжо больш за 10 гадоў, але да гэтага часу ён выклікае мурашкі і незвычайныя адчуванні - раптам чароўныя грузавікі дзесьці побач.