Берасцейскую школу эвакуявалі праз «бомбу»
5- 14.02.2014, 18:58
- 8,367
Сярэдняя школа №23 Берасця сёння была эвакуяваная праз званок аб мініраванні.
Пра гэта паведаміў начальнік штаба Маскоўскага РАУС Берасця Міхаіл Шэлест, паведамляе БелТА.
Ананімны званок паступіў у дзяжурную частку РАУС у другой палове дня. На месца здарэння неадкладна выехалі сапёрна-піратэхнічная і следчая групы, а таксама спадарожныя службы. Усе, хто быў у школе: дзеці, педагогі і работнікі ўстановы былі эвакуяваныя на бяспечную адлегласць, а сам будынак ачэплены.
Больш за гадзіну сапёры абследавалі будынак школы і прылеглую тэрыторыю. Выбуховага прыстасавання не выяўлена. У цяперашні час ачапленне школы знятае. Праваахоўнікі праводзяць праверку з мэтай высвятлення асобы хулігана.