Гелікоптэр, што ўпаў у Мурманскай вобласці, знайшлі на дне возера
20- 1.06.2014, 12:07
- 17,077
Людзей пакуль знайсці не здолелі. На месцы працуюць вадалазы.
Гелікоптэр Мі-8, што ўпаў у Мурманскай вобласці, выяўлены на дне Мунозера. Машына ляжыць перакуленай, яе корпус расколаты.
Цяпер на месцы авіякатастрофы працуюць ратавальнікі і вадалазы. Пакуль людзей выявіць не здолелі, паведамляе ІТАР-ТАСС.
Агулам на борце гелікоптэра, паводле звестак следства, знаходзіліся 18 чалавек - пяць чальцоў экіпажа і 13 пасажыраў. Двое з іх здалелі выжыць - іх выратавалі авіякрэслы. Пацярпелых шпіталізавалі з пераломамі ног.
Нагадаем, гелікоптэр Мі-8 напярэдадні ўвечары вылецеў з горада Апатыты, здзейсніў прамежкавую пасадку, дзе ўзяў на борт яшчэ некалькі чалавек, а затым сувязь з машынай знікла.
Паводле факту авіякатастрофы ўжо распачатая крымінальная справа. Разглядаюцца версіі аб адмове тэхнікі і памылцы пілота праз складаныя варункі надвор’я.
Сярод пасажыраў гелікоптэра былі высокапастаўленыя чыноўнікі.