Беларуская лучніца выйграла чэмпіянат Еўропы сярод юніёраў
2- 1.06.2014, 15:57
- 5,322
Карына Дзёмінская здабыла золата на чэмпіянаце Еўропы па стральбе з лука сярод кадэтаў і юніёраў.
Турнір прайшоў у Любляне, паведамілі ў Беларускай федэрацыі стральбы з лука.
«Першае месца па стральбе з лука ў індывідуальным заліку заняла магіляўчанка Карына Дзёмінская», - сказалі ў федэрацыі.
У камандным першынстве жаночая каманда ў складзе Карыны Дзёмінскай, Дар'і Багнюк і Ганны Здзітавецкай фінішавала шостай, мужчынская каманда ў складзе Паўла Мулюкава, Уладзіслава Літвінца і Івана Рака - дзявятай.
У 2013 годзе Карына Дзёмінская здабыла срэбра на Кубку Еўропы, які таксама праходзіў у славенскай Любляне.