Тэрарысты напалі на дзве воінскія часткі ў Луганскай вобласці

Захоплена стралковая зброя.

На працягу мінулых дзён узброеныя асобы здзейснілі напады на дзве воінскія часткі Узброеных Сіл Украіны ў Луганскай вобласці. Пра гэта паведаміла прэс-служба пракуратуры Паўднёвага рэгіёну Украіны, піша «Украинская правда».

У адной з частак тыя, хто нападаў, ужылі аўтаматычную зброю, ручныя гранаты і вывелі з ладу радыёлакацыйную станцыю. У другой частцы былі захопленыя будынкі і больш за 40 адзінак стралковай зброі.

Сярод украінскіх вайскоўцаў пацярпелых няма.

Цяпер пракуратурай паводле факта знішчэння радыёлакацыйнай станцыі адкрыта крымінальная вытворчасць паводле артыкула 113 (дыверсія). Паводле факта захопу вайсковай частцы адкрыта крымінальная вытворчасць па ч. 2 арт. 258 (тэрарыстычны акт).

Акрамя таго, развязваецца пытанне адказнасці вайсковых службовых асоб за парушэнне патрабаванняў заканадаўства ў арганізацыі захоўвання зброі, боепрыпасаў і іншай вайсковай маёмасці.