21 красавiка 2024, Нядзеля, 11:46
Падтрымайце
сайт
Сім сім,
Хартыя 97!
Рубрыкі

Алеся Бяляцкага вызвалілі (Відэа, онлайн)

65

Вядомы праваабаронца Алесь Бяляцкі выйшаў на волю.

Пра гэта ён паведаміў праз тэлефон сваёй жонцы Наталлі Пінчук, якая, у сваю чаргу перадала інфармацыю сайту charter97.org. Алесь Бяляцкі цяпер едзе на электрычцы ў Менск. У 15:00 павінен прыбыць з Бабруйска, дзе адбываў пакаранне, на станцыю Інстытут культуры.

За кратамі кіраўнік праваабарончага цэнтра «Вясна» правёў амаль тры гады. 24 лістапада 2011 суд прызнаў яго вінаватым ва ўтойванні даходаў у асабліва буйным памеры і прысудзіў да 4,5 гадоў пазбаўлення волі ў калоніі ўзмоцненага рэжыму з канфіскацыяй маёмасці. Падставай для крымінальнага пераследу Бяляцкага стала наяўнасць у яго рахункаў у банках Літвы і Польшчы. Суд не ўлічыў, што грошы, якія паступалі на іх, выкарыстоўваліся для праваабарончай дзейнасці, а адкрыць рахункі ў Беларусі немагчыма, бо «Вясна» працуе нелегальна. Улады неаднаразова адмаўлялі ў афіцыйнай рэгістрацыі арганізацыі.

Суд таксама не прыняў да ўвагі тое, што шкода, якую нібыта нанёс дзяржаве Бяляцкі, была цалкам пагашаная за кошт добраахвотных ахвяраванняў грамадзян.

Праваабаронца адбываў пакаранне ў папраўчай калоніі № 2 Бабруйска, ён афіцыйна прызнаны вязнем сумлення.

Апошнія тры гады запар Бяляцкі вылучаўся прэтэндэнтам на Нобелеўскую прэмію міру.

Напісаць каментар 65

Таксама сачыце за акаўнтамі Charter97.org у сацыяльных сетках