Душан Гвоздзіч узначаліў зборную Беларусі ў баскетболе
- 2.07.2014, 21:54
- 4,170
Яму будзе дапамагаць Горан Тадзіч.
Ужо ў 20 гадоў Душан пачаў трэнаваць дарослыя каманды, з якімі здабыў некалькі нацыянальных тытулаў. З 2008-га года на працягу чатырох гадоў ён таксама працаваў асістэнтам трэнера ў сербскай мужчынскай нацыянальнай камандзе, прывёўшы яе да сярэбранага медаля на Чэмпіянаце Еўропы ў 2009 годзе ў Польшчы, паведамляе афіцыйны сайт БФБ.
Таксама за яго плячыма золата на Сусветнай Універсіядзе ў 2009 годзе ў Бялградзе, перамога ў Адрыятычнай Лізе (NLB Liga ABA) у сэзоне 2004-2005 гадоў, і ў гэтым жа часе ўдзел у паўфінале Кубка УЛЕБ.
За час сваёй прафесійнай кар'еры Душан Гвоздзіч працаваў з наступнымі клубамі і нацыянальнымі камандамі: БК Hemofarm (Сербія), БК Lietuvos Rytas (Літва), БК Bosna (Боснія і Герцагавіна), БК Mega Ishrana (Сербія), БК Універсітэт-Югра (Расея) ; БК Львоўская палітэхніка-Галічына (Украіна), старшая нацыянальная каманда Босніі і Герцагавіны, сербская універсітэцкая нацыянальная каманда, старшая нацыянальная каманда Сербіі.
Фота: bbf.by