25 траўня 2024, Субота, 16:25
Падтрымайце
сайт
Сім сім,
Хартыя 97!
Рубрыкі

The Washington Post: Патрэбныя санкцыі супраць горназдабыўнога сектара Расеі

4
The Washington Post: Патрэбныя санкцыі супраць горназдабыўнога сектара Расеі

Выданне мяркуе, што насуперак запэўненням заходніх лідэраў, уведзеных санкцый было недастаткова, каб стрымаць Пуціна.

Газета Washington Post заклікала ўвесці «больш глыбокія» фінансава-эканамічныя санкцыі супраць Расеі ў адказ на нядаўні артабстрэл украінскага порта Марыюпаль і распаўсюдзіць іх на расейскі горназдабыўны сектар, паведамляе «Голас Амерыкі».

У рэдакцыйным артыкуле, апублікаваным у аўторак, газета нагадала, што ў выніку ракетнага ўдару ў мінулыя выходныя былі забітыя блізу 30 мірных жыхароў Марыюпаля, многія іншыя атрымалі раненні.

«Адміністрацыя прэзідэнта Барака Абамы і лідэры ЕЗ марудзяць з рэакцыяй на новы гамбіт Уладзіміра Пуціна, які пачаўся як раз тады, калі ў Еўразвязе абмяркоўвалі прапановы ў ажыўленні стасункаў з Масквой, а прэзідэнт Абама ў дакладзе «Аб становішчы спраў у краіне» з гонарам казаў пра эфектыўны адказ на дзеянні Пуціна», - піша выданне.

«Насуперак іх светлым уяўленням расейскага лідэра не стрымліваюць ні абвал эканомікі, выкліканы санкцыямі Захаду і зніжэннем коштаў нафты, ні перспектывы прымірэння з Захадам», - працягвае Washington Post.

«Важнае пытанне заключаецца ў тым, ці хопіць у Захаду духу, каб адказаць Пуціну адчувальнымі мерамі стрымлівання, а не адной рыторыкай», - піша газета.

«Як мінімум, ЕЗ і ЗША павінны пагадзіцца падрыхтаваць да чацвярга больш глыбокія санкцыі супраць расейскай эканомікі і фінансавай сістэмы і ўсталяваць крайні тэрмін для прыняцця пастановы па іх, - прапануе Washington Post. - Неабходна разгледзець магчымасць прыняцця мер супраць тых сектараў эканомікі, якія дагэтуль не былі закранутыя санкцыямі, напрыклад, горназдабыўной прамысловасці. Адначасова заходні ўрад павінны пашырыць аб'ём дапамогі і паскорыць яе вылучэнне ўкраінскаму ўраду, які блізкі да банкруцтва. Пры гэтым неабходна дапамагчы яму дасягнуць пагаднення аб рэформах з Міжнародным валютным фондам».

Напісаць каментар 4

Таксама сачыце за акаўнтамі Charter97.org у сацыяльных сетках