Гендырэктар life:) пакінуў сваю пасаду?
10- 14.12.2015, 16:18
- 18,987
Генеральны дырэктар аператара life:) Ісмет Языджы пакінуў сваю пасаду ў пятніцу, 11 снежня 2015 года.
Пра гэта паведамляе tut.by са спасылкай на ўласныя крыніцы.
Звальненне гендырэктара стала нечаканасцю для супрацоўнікаў кампаніі, бо ён толькі каля месяца таму падпісаў новы гадавы кантракт. Паводле інсайдарскай інфармацыі, праз спешнае звальненне на гэты момант не вызначаны чалавек, выконваючы абавязкі гендырэктара life:).
У прэс-службе аператара не пацвердзілі, але і не зняпраўдзілі гэтую інфармацыю, толькі заявіўшы, што змогуць даць актуальную інфармацыю пасля найбліжэйшай рады дырэктараў кампаніі, якая адбудзецца 17 снежня. Гэта таксама ўскосна пацвярджае сыход кіраўніка.
Нагадаем, Ісмет Языджы быў прызначаны кіраўніком life:) у канцы 2011 года.