4 сакавiка 2024, панядзелак, 22:10
Падтрымайце
сайт
Сім сім,
Хартыя 97!
Рубрыкі

Алесь Бяляцкі: Улады ўзмацняюць ціск на палітвязняў

4
Алесь Бяляцкі: Улады ўзмацняюць ціск на палітвязняў

Міжнароднае грамадства павінна звярнуць увагу на новы віток рэпрэсій супраць грамадзянскай супольнасці Беларусі.

Учора стала вядома аб тым, што на палітычнага зняволенага Юрыя Рубцова завялі новую справу. З ягоных слоў, яму пагражае да 3 гадоў пазбаўлення волі за ўхіленне ад адбыцця пакарання. Раней паведамлялася, што ён не мог знайсці працу з заяўленым сярэднім заробкам па краіне.

Былы палітвязень, старшыня праваабарончага цэнтра «Вясна» Алесь Бяляцкі сказаў charter97.org, што гэты прэцэдэнт - чарговы доказ таго, што нягледзячы на ўсе абяцанні, беларускія ўлады не толькі не аслабілі ціск на грамадзянскую супольнасць Беларусі, а хутчэй наадварот.

- Відавочна, што пераслед Рубцова за ягоныя палітычныя погляды прадаўжаецца. Мы бачым працяг жорсткай лініі ў дачыненні да палітычных зняволеных. Апошні выпадак прысуджэння дадатковага тэрміну палітвязню Мікалаю Дзядку, таксама больш строгі рэжым і пераслед у дачыненні да Мікалая Статкевіча, і вось, цяпер сітуацыя з Юрыем Рубцовым. Гэта пацвярджае, што ўлады не збіраюцца якім-небудзь чынам змяняцца ў бок лібералізацыі і дзейнічаць больш асцярожна ў дачыненні да палітвязняў, - сказаў праваабаронца.

- Цяпер Юрыю Рубцову пагражае да трох гадоў пазбаўлення волі. Наколькі законнае прымяненне 415 артыкула ў прынцыпе?

- Артыкул, паводле якога яго збіраюцца судзіць, выклікае вельмі шмат пытанняў у беларускіх праваабаронцаў. Ён тычыцца, фактычна, прымусовай працы па месцы заключэння, што само па сабе з'яўляецца парушэннем правоў чалавека. Усё ж, такога кшталту праца павінна мець пэўныя гарантыі і правы ў адносінах да чалавека, які да яе прыцягваецца. Мы гэтага не бачым.

- І ніякага паслаблення ціску рэжыму на грамадзянскую супольнасць мы таксама не назіраем.

- На жаль, нягледзячы на шматлікія абяцанні аб паляпшэнні сітуацыі ў Беларусі, улады не збіраюцца памяншаць ціск на палітвязняў і на ўсю грамадзянскую супольнасць і на апанентаў улады.

Праваабаронца паведаміў, што цяпер Юрый Рубцоў хутчэй за ўсё знаходзіцца ў СІЗА ў Пружанах і суд таксама адбудзецца там. Калі ён адбудзецца, пакуль невядома.

- Калі распачатая крымінальная справа, то будуць праведзеныя пэўныя працэсуальныя дзеянні тымі следчымі, якія будуць яго яе разглядаць. Пасля справа будзе перададзеная ў суд і тады будзе прызначаная дата яго правядзення. Таму сама працэдура будзе цягнуцца некалькі тыдняў, а то і некалькі месяцаў, - удакладніў ён.

- Ці падзейнічаюць апошнія выпадкі ціску на палітвязняў на дыялог Лукашэнкі з Захадам?

- Вельмі важна, каб аб чарговым вітку пераследу Юрыя Рубцова ведала міжнародная супольнасць і палітыкі, бо беларускія ўлады зацікаўленыя ў паляпшэнні стасункаў з Еўразвязам з многіх прычын. Мне здаецца, тое, што ў Беларусі адбываецца пераслед грамадзянскіх актывістаў і апанентаў улады, можа паўплываць на гэтыя стасункі.

Нагадаем, 6 кастрычніка 2014 года суддзя Цэнтральнага раёна Менска Наталля Вайцяховіч пакарала Юрыя Рубцова 2,5 гадамі «хіміі», год адразу скасавалі паводле амністыі. Праваабаронцы адзначалі, што судовы працэс адбываўся са шматлікімі парушэннямі і што сапраўднай прычынай пераследу з'яўляецца грамадская дзейнасць. Пасля абвяшчэння прысуду праваабарончы цэнтр «Вясна» прызнаў Юрыя Рубцова палітычным зняволеным.

Напісаць каментар 4

Таксама сачыце за акаўнтамі Charter97.org у сацыяльных сетках