29 сакавiка 2024, Пятніца, 8:57
Падтрымайце
сайт
Сім сім,
Хартыя 97!
Рубрыкі

Журналістаў аштрафавалі на 5,4 мільёна за рэпартаж пра забудову Фаніпаля

14
Журналістаў аштрафавалі на 5,4 мільёна за рэпартаж пра забудову Фаніпаля
Вольга ЧАЙЧЫЦ
ФОТА: Барыс Гарэцкі

Журналістка Вольга Чайчыц і аператар Сяргей Краўчук аштрафаваныя на 30 базавых адзінак (5 млн 400 тысяч рублёў) кожны.

Такую пастанову прыняў 1 чэрвеня суд Дзяржынскага раёна, паведамляе БелаПАН.

Чайчыц і Краўчук прызнаныя вінаватымі ў правапарушэнні, прадугледжаным часткай 2 артыкула 22.9 Кодэкса аб адміністрацыйных правапарушэннях (незаконны выраб і распаўсюджванне прадукцыі СМІ).

На суд у Дзяржынск падтрымаць калегаў прыехалі блізу 20 журналістаў, у тым ліку старшыня БАЖ Андрэй Бастунец, ягоны намеснік Міхась Янчук, прэс-сакратар арганізацыі Барыс Гарэцкі. Усіх ахвочых пусцілі ў залу суда, але суддзя Іна Шайко забараніла весці ў зале фота- і відэаздымку. Яна таксама адхіліла хадайніцтва Чайчыц аб вядзенні працэсу на беларускай мове.

Прычынай для складання пратакола паводле артыкулу 22.9 адміністрацыйнага кодэкса стаў сюжэт з Фаніпаля (Дзяржынскі раён Менскай вобласці) пра недапусканне здымачнай групы на грамадскае абмеркаванне генеральнага плана забудовы горада. Фаніпальскія міліцыянты, адзначае прэс-служба БАЖ, раздрукавалі тэкст і кадры сюжэту з сайта тэлеканала «Белсат» і абвінавацілі Чайчыц і Краўчука ў працы на замежны СМІ без акрэдытацыі.

Чайчыц у судзе заявіла, што толькі збірала інфармацыю, але не змяшчала яе на сайце «Белсата», бо не з'яўляецца супрацоўніцай ні гэтага, ні якога-небудзь іншага СМІ.

Напісаць каментар 14

Таксама сачыце за акаўнтамі Charter97.org у сацыяльных сетках