Сяргей Рутэнка згуляе за менскі СКА да канца сезона

Фінансавы бок пытання для гандбаліста важны, але не з'яўляецца пануючым.

Пра гэта лідар беларускай гандбольнай нацыянальнай каманды Сяргей Рутэнка сказаў у інтэрв'ю газеце «СБ - Беларусь Сегодня».

«На гэтым тыдні планую прыступіць да трэніровак з мячом разам з камандай. Пасля, зыходзячы з адчуванняў, буду вызначаць, што рабіць далей», - распавёў пра найбліжэйшыя планы паўсярэдні нацыянальнай каманды.

«Згуляць у гэтым сезоне мне трэба. Бо ў нас наперадзе гульні нацыянальнай каманды, і хацелася б падысці да іх у добрай форме, каб адабрацца на чэмпіянат свету. Гэта для мяне цяпер - асноўная мэта.

А што тычыцца выступаў за СКА, то тут шмат што залежыць ад таго, ці змагу я ім дапамагчы. Наогул, хацеў бы выказаць армейцам падзяку за тое, што яны апынуліся адзіным клубам, які прапанаваў мне дапамогу, і таму, калі змагу, абавязкова паспрабую дапамагчы ім у заключнай частцы сезону...».

Фінансавы бок пытання для гандбаліста важны, але не з'яўляецца пануючым.

«Урэшце, гэта - сродкі, на якія жыве мая сям'я», - дадаў Сяргей Рутэнка.

Нагадаем, у канцы мінулага года капітан нацыянальнай каманды Беларусі паведаміў пра разрыў кантракту з катарскім клубам «Лехвія», за які паспеў правесці ўсяго чатыры матчы ў нацыянальным чэмпіянаце.

Сяргей Рутэнка згуляў за нацыянальную каманду на чэмпіянаце Еўропы-2016 у Польшчы, але праз траўму не змог правесці шмат часу на паркеце.