Следства разглядае ўжо 6 версій забойства Шарамета

Адна з асноўных - спроба дэстабілізаваць сітуацыю ва Украіне.

Следства разглядае ўжо 6 версій прычын забойства Паўла Шарамета.

Пра гэта ў эфіры тэлеканала «112 Украіна» заявіў дарадца кіраўніка СБУ Юрый Тандзіт.

«Іх ужо шэсць (версій, - рэд.), я магу толькі назваць папярэднія чатыры», - распавёў Тандзіт, адзначыўшы, што следства таксама прыслухаецца да версіі народнага дэпутата Сяргея Высоцкага, які выказаў здагадку, што забойства Шарамета можа стаць пачаткам спецаперацыі супраць дзяржбяспекі Украіны.

«Тое, што сказаў народны дэпутат Высоцкі, мае вялікае значэнне, магу пацвердзіць, што адна з асноўных версій, якая разглядаецца цяпер сілавікамі - гэта спроба, праз гэта забойства, дэстабілізаваць сітуацыю ўнутры нашай дзяржавы. Але, не толькі гэта выкарыстоўваецца забойства, будуць яшчэ і іншыя навіны, якія, на жаль, будуць спрабаваць выкарыстоўваць для таго, каб паказаць, што ва Украіне няма ўлады, што сілавікі не кантралююць сітуацыю», - падзяліўся Тандзіт.

Раней Тандзіт паведамляў, што разглядаецца 4 асноўныя версіі: прафесійная дзейнасць, непрыязнасць у стасунках або асабістыя матывы, расейскі след (дэстабілізацыя сітуацыі), замах на Алену Прытулу.

Як вядома, журналіст і адзін з кіраўнікоў «Украінскай праўды» Павал Шарамет загінуў у сераду раніцай у выніку выбуху аўтамабіля кіраўніцы выдання Алены Прытулу, у якім ён знаходзіўся.

Выбуховая прылада, якая ўзарвала аўтамабіль з журналістам Паўлам Шараметам, была закладзена блізка да месца кіроўцы.

Паліцыя кваліфікавала тое, што адбылося паводле артыкула «наўмыснае забойства, учыненае спосабам, небяспечным для жыцця многіх асоб».