Наймацнейшы суперкамп'ютар Расіі трапіў пад удар ЗСУ
8- 11.10.2026, 13:50
- 3,664
«Галушкін» знаходзіўся ў дата-цэнтры ва Уладзіміры, які атакавалі дроны.
Кампанія «Яндэкс» уначы, верагодна, страціла свой апошні суперкамп'ютар «Галушкін» — наймацнейшы ў РФ. Ён знаходзіўся ў дата-цэнтры ва Уладзіміры, які атакавалі ўкраінскія дроны.
Dialog.UA разбіраўся ў дэталях. «Яндэкс» пацвердзіў, што інфраструктура пляцоўкі пацярпела, яе праца цалкам спыненая. Ці пашкоджаны «Галушкін», на дадзены момант невядома. Аднак верагоднасць гэтага высокая.
«Галушкін» — адзін з наймацнейшых суперкамп'ютараў Расіі. Ён створаны на базе AMD EPYC і NVIDIA A100. З 2021 года размешчаны ва Уладзіміры. Мае прадукцыйнасць звыш 16 петафлопсаў. Выкарыстоўваецца ў асноўным для задач машыннага навучання і навучання нейрасетак, уключаючы мадэлі YandexGPT.
Усяго ў «Яндэкса» маецца тры суперкамп'ютары. Два астатнія, «Чэрвоненкіс» і «Ляпунаў», размяшчаліся ў Сасаве Разанскай вобласці. Гэты дата-цэнтр 8 кастрычніка быў атакаваны першым і атрымаў сур'ёзныя пашкоджанні.
Пра стан сваіх суперкамп'ютараў кампанія маўчыць. На сёння Украіна вывела з ладу 3 з 4 найбуйнейшых дата-цэнтраў ІТ-манапаліста «Яндэкс». Па ўсёй Расіі, а таксама ў іншых краінах фіксуюцца збоі ў працы сэрвісаў кампаніі.
Сітуацыю пракаментаваў ізраільскі журналіст Сяргей Ауслендэр. Ён лічыць, што «Яндэкс» больш не апраўіцца.
«Яндэкс», ад вялікага розуму, заблюрыўшы на сваіх картах будынкі дата-цэнтраў, літаральна падказаў, дзе іх шукаць. Калі раптам не ведалі. Усё ж такі яны разюча неэфектыўныя ва ўсім, да чаго толькі дакранаюцца. Нейкі анты-Мідас. Знеслі трэці дата-цэнтр. Думаю, да зімы «Яндэкс» будзе як «Wildberries». Які нібыта ёсць, але...» — напісаў журналіст.
.jpg)
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
