У Менску з'явіўся другі LTE-аператар

У Менску з'явіўся другі аператар, які прапануе паслугі на базе сеткі 4G LTE-Unet.

Як і МТС, ён карыстаецца сеткавай інфраструктурай кампаніі beCloud і прапануе сувязь 4-га пакалення ў Менску і найбліжэйшых ваколіцах, піша tut.by.

Бо гаворка ідзе не пра аператара мабільнай сувязі, АНЛІМ.БЕЛ (такі брэнд Utel выкарыстоўвае для 4G-сувязі) прадае абанентам мадэмы, маршрутызатары або дадатковыя антэны.

Пры гэтым абаненту, як і ў мабільных сетках, выдаецца SIM-карта, якую, магчыма, можна выкарыстоўваць у смартфоне або планшэце для падлучэння да інтэрнэту.

Інтэрнэт-правайдэр прапаноўвае дзве лінейкі тарыфаў на бесправадны інтэрнэт - з абмежаваннем у трафіку і безлімітны.

На тарыфах «Фарсаж» абаненту на максімальнай хуткасці даецца ад 10 да 100 ГБ (потым яна падае да 0,5 Мбіт/) коштам ад 9,9 да 29,9 рубля на месяц (99-299 тысяч да дэнамінацыі), на тарыфах «Анлім» - поўны безліміт, але з абмежаваннем у хуткасці - 2,3,5 і 5 Мбіт/с за 19,9, 29,9 і 49,9 рубля адпаведна. Ёсць і поўны безліміт без абмежаванняў, але за яго давядзецца выкласці 60 рублёў на месяц.