Беларусь правядзе выпрабаванні ўласнага гранатамёта
35- 27.01.2017, 17:19
- 30,147
Сёлета ў Беларусі будуць выпрабоўваць уласны гранатамёт.
Беларусь сёлета правядзе выпрабаванні гранатамёта ўласнай вытворчасці. Пра гэта сёння паведаміў старшыня Дзяржаўнага вайскова-прамысловага камітэта Сяргей Гурулёў, паведамляе БелТА.
Гурулёў распавёў аб некаторых планах прадпрыемстваў камітэта на 2017 год.
«Мы сёлета будзем выпрабоўваць свой, «дамарослы» гранатамёт, супрацьтанкавы ракетны комплекс», - паведаміў Гурулёў.
Акрамя таго, Гурулёў паведаміў, што Беларусь прыступае да вытворчасці лёгкабраняваных машын рознага прызначэння і класа. З ягоных слоў, гэтыя машыны будуць дэманстравацца сёлета на парадзе ў Менску.
Са слоў старшыні Дзяржкамваенпрама, у завяршальнай стадыі знаходзіцца праца над рознымі зенітна-ракетнымі комплексамі сярэдняй далёкасці.