Псіхолагі: ранішні і вячэрні душ нечаканым чынам уплываюць на арганізм

Даследаванне псіхолагаў Гарварда дазваляе па-новаму зірнуць на звыклую працэдуру.

У большасці людзей ёсць пераважны час прыёму душа - хтосьці любіць прымаць яго раніцай, а хтосьці ўвечар. Аднак новае даследаванне паказала, што ад часу гэтага штодзённага рытуалу залежыць наш настрой і праца розуму, піша выданне newsyou.info.

Выяўляецца, ранішні душ стымулюе крэатыўнасць, ён карысны для работнікаў, якія знаходзяцца ў стане стрэсу. Вячэрні душ дапамагае тым, каму бывае складана пераключыцца пасля вяртання з працы ў рэжым расслабленасці і дрымотнасці.

Псіхолаг Гарвардскага ўніверсітэта Шэлі Карсан сцвярджае, што ранішні душ асабліва карысны тым, хто знаходзіцца ў стане стрэсу праз неабходнасць праяўляць крэатыўныя якасці на працы. Водныя працэдуры дапамагаюць расслабіцца, але яны ж павышаюць і канцэнтрацыю, таму прыём душа ўранку неабходны тым, каму патрабуецца мабілізацыя мозгу для выканання адказных задач. Кагнітыўныя зоны мозгу расслабляюцца, абнаўляюцца і рэгенеруюць, праз што ў галаве ўзнікаюць бліскучыя ідэі і спосабы развязання тых ці іншых праблем.

Вячэрні душ эфектыўна рэгулюе тэмпературу цела. Мы выходзім з цёплага душа распараныя, і хуткае астуджэнне арганізма ў пакоі з прахалоднай тэмпературай (менавіта такую неабходна падтрымліваць у спальні) выклікае рэзкае адчуванне дрымотнасці. Менавіта таму экспэрты ў галіне лячэння бессані часта рэкамендуюць прыём вячэрняга або нават начнога душа.

А вось калі вы жадаеце дамагчыся максімальнага эфекту, то прымайце душ раніцай і ўвечары. Пры гэтым зусім неабавязкова кожны раз выкарыстоўваць шампунь для валасоў, каб не нанесці ім пашкоджанняў.