«Гудвіны» з дэкрэтам №3

Махляры з Драздоў хутка пачнуць гандляваць індульгенцыямі.

Незадоўга да Маршу абураных беларусаў 2.0 улады пастанавілі перайменаваць дэкрэт аб «дармаедах».

«Плануецца, што дэкрэт будзе называцца “Для спрыяння занятасці”», – паведаміў 28 верасня намеснік міністра працы і сацыяльнай абароны Валерый Кавалькоў. Намеснік міністра, напэўна, забыўся народную мудрасць: «як ні кажы халва – саладзей не стане».

Далей – болей. Высветлілася, што паводле арыгінальнай задумы аўтараў новага дэкрэта №3, насельніцтва Беларусі агулам пераводзіцца ў «падатнае саслоўе». Падатак цяпер абавязаныя плаціць абсалютна ўсё: нехта ў якасці «занятага ў эканоміцы», хтосьці – у якасці «незанятага». Пры гэтым ці «заняты» на самай справе – абсалютна ўсё роўна, галоўнае заплаці. «З такім самым поспехам можна пачаць прадаваць індульгенцыі», – адзначаюць чытачы Charter97.org. Рэдакцыя пастанавіла апублікаваць найбольш цікавыя водгукі пра абноўлены і яшчэ больш абсурдны дэкрэт №3:

«Позна, непаважаныя прыкарытнікі, мяняць дэкрэцікі і ўказікі. Народ пастанавіў: мяняць трэба ўсіх вас!»

«А вы на іх гадзіннікі “ружовага золата” зірніце і на хаткі сірочыя ў Драздах. Каб аднаго такога дармаеда забяспечыць, колькі трэба рамеснікаў і ІП абадраць?»

«У гарманіста “збор з дармаедаў” не пракаціў, цяпер паспрабуе больш мілагучна абазваць сваю абдзіралаўку? Даць табе “адзіны падатак”? За якія заслугі? Як алкаголік пад крамай, клянчыць “на апахмел эканомікі”».

«Устань на калені, шклоўскае непаразуменне, і папрасі прабачэння ў людзей за гэтае прыдуманае ў тваёй галаве цемрашальства, пакуль у цябе яшчэ ёсць такая магчымасць. Вазьмі рыдлёўку ў зубы і закапай гэтае вар'яцтва ў зямлю, ды глыбей. Сваякам тых людзей, што скончылі жыццё самагубствам з перадсмяротнай запіскай, – выплаці матэрыяльную дапамогу за знявагі і давядзенне да суіцыду, прадаўшы адну са сваіх машынак, пакуль у цябе такая магчымасць ёсць яшчэ».

«Жывяце ў Беларусі? Заплаціце падатак! Не? Ну тады аплаціце збор».

«Вы фільм “Забіць дракона” глядзелі? Там практычна выкладзеныя правілы, паводле якіх можна правесці імпічмент у Беларусі. Можа, і не слова ў слова, але сэнс ідэнтычны».

«Усе гэтыя нікчэмныя патугі памежна прымітыўныя: Лукашэнка зноў пад іншым соўсам спрабуе абабраць народ. Але наш народ не настолькі дурны, каб плаціць Лукашэнку гэтую “дармаедскую” прымусовую даніну. Я, напрыклад, не заплаціў раней і не заплачу Лукашэнку ніколі».

«Тая самая “дармаедская” ганебная прымусовая даніна цяпер вярнулася ў новай упакоўцы – плата нібыта “самазанятых”. А каму і якія паслугі гэтыя «самазанятыя» будуць рабіць пры нашых убогіх афрыканскіх заробках – пытанне на засыпку. Дзе гарантыя, што потым заднім лікам не прымуць хітры дакумент, згодна з якім перш “вольныя самазанятыя” не апынуцца па вушы вінаватыя перад бюджэтам? Няма такіх гарантыяў, паколькі ўлада ў нас паводзіць сябе, як звычайныя напарстачнікі, гатовыя кінуць гульца ў любы момант».

«Улады простыя, як валёнкі. Альбо плаціць падатак на дармаедства, альбо плаціць фіксаваны падатак, афармляючы нават ліпавае ІП (чым займаешся, кантраляваць не будуць). Вызвалілі сябе ад стварэння працоўных месцаў: самі стварайце і плаціце, ці не стварайце і ўсё адно плаціце».

«І каго яны перахітрылі? Вось хітрык – выклікаць новую хвалю незадаволенасці і нянавісці народа».

«Гэта, брат, ноу-хау, луканоміка 21-га стагоддзя. Абвясці сябе швачкай, заплаці падатак, а шыць не трэба (Кітай сшые). Вось што такое IT-сфера для чыноўніка? Гэта віртуальнасць – нельга памацаць, цяжка палічыць. Гэта складана. Але віртуальнасць вабіць, назваўся самазанятым – пастаянна гані драбязу паводле таксы (такса залежыць ад слова: то-бок кім абазваўся). Гэта вось такая эканамічная віртуальнасць, але з матэрыяльнай рэальнасцю. Не захацеў азвацца – тут табе ў патыліцу дэкрэт N3. Карацей – плаці бабкі за тое, што жывеш на панскай тэрыторыі».

«“Закон у спрыянні занятасці”? Ды не смяшыце людзей ва ўсім свеце, не смяшыце. Даўно час змусіць да адказнасці крымінальных “заканадаўцаў” гэтых. Хопіць здзекавацца з людзей!»

«Імперыя бурыцца, спадары, і нядоўга вам засталося!»

«Можа, няхай адразу распрацуюць бланкі індульгенцыяў, як у Сярэднявеччы. Заплаціў, запісаў туды і ўсё... Ты чысты перад нашай “уладай”. А то небаракі усё ў поце твару...»

«Сапраўды! Шклоўскі самазванец хутка пачне індульгенцыі за грошы прадаваць».

«Усё зразумела: калі ты не стварыў сабе рахунак – плаціш падатак. А калі ты зарэгістраваўся – то плаціш усё адно падатак. Як бы ён ні называўся – “адзіны” або “за дармаедства”. Усё адно плаціш падатак у любым выпадку».

«Гэта значыць прыйшла, сказала, што тынкую, тупа заплаціла і гуляю далей. А чым гэта адрозніваецца ад ранейшага вымагальніцтва? Можна далей не працаваць, галоўнае скажы і заплаці. Гэта такое спрыянне ў працаўладкаванні? Няма словаў».

«У гэтым і справа! Нікому твая праца не патрэбная, як і ты сам. Патрэбныя толькі твае грошы. І ўсё! Дапрацоўка дэкрэта – усяго толькі пашырэнне іхніх паўнамоцтваў».

«Ім галоўнае вас “на аловак” узяць, потым паволі падатак будуць павялічваць і ФСАН намалююць, гэта ўжо праходзілі і ІП, і Агратурысты».

«Дык гэта атрымліваецца – фэйкавая дзяржава з фэйкавым прэзідэнтам. Кіраўнік смарагдавага горада, дзе ўсё як быццам. Гудвін на троне пасярод Драздоў».

«Ну вось ізноў вычварыліся, з любой нагоды хочуць увесці падушную мыту, безумоўны прыбытак для сябе любімых – садраць грошай, нічога не робячы: “Калі чалавек зарэгістраваны ў падатковай, заплаціў збор, то ён з'яўляецца занятым у эканоміцы, ніхто кантраляваць не будзе, фактычна заняты ён у гэтай дзейнасці ці не”. Прафанацыя, падмена ўсіх сэнсаў кіруе гэтай непісьменнай зграяй ад плоту да абеду. Беспрасветная хлусня як праца і сродак адабрання грошай у насельніцтва. У гэтых “жыхароў неба” ўтварыўся свой тлумачальны слоўнік тэрмінаў у краіне дурняў».

«У краіне беспрацоўе, а з народа бяруць падаткі за паветра. Ні ў адной краіне свету такога няма».

«Бывай, Саша, тут табе нават Ярмошына не дапаможа, бо ўсім відавочна, што твой час даўно выйшаў».

«Хопіць унікаць у нюансы абсурдных паводле прыроды сваёй указаў, дэкрэтаў і пастановаў. І самае галоўнае – хопіць спрабаваць прыстасавацца да гэтага сюррэалізму! Я не ўнікаю ў гэтае трызненне. Я выходжу на Плошчу ў сваім горадзе, кожны раз, калі збіраюцца такія ж, як я».

«Новы мем ад Лукашэнкі: падмані, але заплаці».

«Усе 21 кастрычніка сячы дровы ў Менск са сваім інвентаром. Папрацуем на славу!»

«Вясной з першага разу не дайшло да так званай улады. Не – дэкрэту нумар тры, Лукашэнка, сыходзь! Трэба паўтарыць. І так, каб трэці раз паўтараць не давялося. 21 кастрычніка а 14-й. Жыве Беларусь!»