Мянчук распавёў, як выратаваў бабулю ад прадаўцоў фільтраў

Кватэрныя «хадакі» нярэдка пакідаюць людзей сталага веку без пенсіі.

І колькі б клапатлівыя дзеці і ўнукі ні інструктавалі пажылых і даверлівых людзей нікога не ўпускаць у кватэру, заўсёды знойдуцца ўмельцы, якія прымусяць адкрыць дзверы і зрабіць не самую патрэбную куплю. Нядаўна збітая гісторыя паўтарылася ў адной з менскіх кватэр, аднак у гэты раз усё скончылася не так, як звычайна: хэпі-эндам.

Гісторыяй выратавання бабулькі з сайтам onliner.by падзяліўся мянчук Андрэй.

- Тэлефануе мне мая бабуля і кажа: «Унучак, мне тут кран усталёўваюць нейкі, я нічога не разумею. Прыязджай, паглядзі, калі ласка, ці правільна яго ставяць». У галаве адразу пстрыкнула пра ўсімі «любімых» фільтршчыкаў.

Літаральна за 14 хвілін прылятаю да яе, адкрываю кватэру, а на кухні сядзіць хлопец гадоў 30. Побач з ім бачу no name фільтр-тройку. На пытанне: «Ці ёсць сумленне старых разводзіць?», атрымліваю адказ: «Я рабочы, я грошы не прымаю, а проста ўсталёўваю». Прашу выклікаць тых, хто «вешаў локшыну» на вушы бабулі і ў каго другія асобнікі дамоваў.

Праз пяць хвілін падцягнуліся дзве працаўніцы гэтай арганізацыі, былі запрошаныя ў кватэру, адбыўся невялікі дыялог аб тым, што пенсіянераў падманваць дрэнна. Скончылася ўсё добра: грошы былі тут жа вернутыя, усе паперы знішчаныя, - распавядае Андрэй.

- Пасля таго, як бабуля адышла ад гэтай сітуацыі, распавяла, як усё адбывалася. У дзверы патэлефанавала маладая прыемная дзяўчына - проста дзьмухавец, каснічка не стае - і адразу заявіла, што з'яўляецца прадстаўніцай ЖЭС і ёй тэрмінова трэба праверыць лічыльнікі гарачай і халоднай вады. Пасля таго як доступ у кватэру быў атрыманы, пачаліся навадныя пытанні ў стылі «а як вам вадзіца ў вашым доме?» і гэтак далей. Пасля гэтага бабуля амаль нічога не памятае (ёй 86 гадоў). Памятае толькі, што з'явілася другая жанчына, запаўняла нейкія паперы, потым дала падпісаць іх, і бабуля перадала грошы. Пазней з'явіўся хлопец, пачаў раскладваць інструмент, а дзяўчаты тым часам сышлі. Пасля гэтага бабуля дадумалася ўсё ж патэлефанаваць мне.

Вядома, у самым фільтры нічога дрэннага няма. Вось толькі прадстаўнікі кампаніі прапаноўвалі бабульцы купіць звычайны расейскі фільтр рэальным коштам крыху больш за 60 рублёў за 320 - гэта значыць, больш чым у пяць разоў даражэй.

Змагацца з такімі людзьмі няпроста, бо часцей за ўсё яны дзейнічаюць у рамках заканадаўства і выдатна разумеюць, што робяць. Мабыць, выйсце адно: рэгулярна паўтараць старым пра магчымыя наступствы і вучыць не паддавацца на хітрыкі не самых сумленных прадаўцоў.