Алёна Луцковіч: У людзей проста скончылася цярпенне
2- 21.10.2017, 14:37
- 18,815
Абурэнне пачало выплюхвацца.
«Мяне абурыў выпадак у Печах і тое, што адбываецца ў нашым войску. Майму сыну 16 гадоў, яго паставілі на ўлік у ваенкамаце. Я чытаю ўсе гэтыя выпадкі дзедаўшчыны - і прыходжу ў жах.
Бо майму дзіцяці, майму сыну, трэба будзе служыць у гэтым войску, дзе яго могуць забіць і пакалечыць. Нічога добрага з ім там не здарыцца. У мяне шмат знаёмых, якія служылі ў войску. Я разумею, што яны многае замоўчваюць.
У людзей проста скончылася цярпенне, абурэнне пачало выплюхвацца. Дай Бог, каб гэтая хваля абурэння нешта змяніла ў гэтым войску. Пакуль войска не будзе прафесійным, то дзедаўшчыну не атрымаецца выкараніць. Заўсёды знойдуцца такія камандзіры, як у Печах», - распавяла грамадская актывіста з пасёлка Кастрычніцкі Алёна Луцковіч, якая ўзяла ўдзел у Маршы абураных беларусаў 2.0.
Сайт Charter97.org вядзе анлайн-рэпартаж з акцыі.