Пад расцяжкай «Выдатнаму сыну Беларусі...» у Швейцарыі адкрылі помнік Касцюшку
5- 21.10.2017, 15:53
- 13,403
Мясцовыя беларусы прыйшлі на адкрыццё помніка нацыянальнаму герою з бел-чырвона-белым сцягам.
У Швейцарыі ў горадзе Золатурн адкрылі помнік нацыянальнаму герою Тадэвушу Касцюшку. Мясцовыя беларусы прыйшлі на адкрыццё з бел-чырвона-белым сцягам і расцяжкай «Выдатнаму сыну Беларусі ад удзячных суайчыннікаў», паведамляе «Радыё Свабода».
Ініцыятыва дзеля ўшанавання героя Беларусі, Польшчы і ЗША належыць швейцарскім беларусам.
На адкрыцці помніка прысутнічалі дыпламаты Беларусі, Польшчы і Літвы, дырэктарка сядзібы-музея Касцюшкі ў Косаве (Івацэвіцкі раён) Наталля Сушко.