«Мяняць трэба Лукашэнку - тады, дасць Бог, зменім і ўсё астатняе»
5- 22.10.2017, 13:31
- 22,412
Пратэстоўца распавяла пра сэнс «бразготкі справядлівасці».
Учора ў Менску прайшоў Марш абураных беларусаў 2.0 супраць падатку на «дармаедаў» і «дзедаўшчыны» ў войску.
Адна з жанчын распавяла, чаму яна выйшла на Кастрычніцкую плошчу з «бразготкай справядлівасці» - пластыкавай бутэлькай, напоўненай меднымі манетамі:
«Я ўзяла «бразготку справядлівасці», каб выказаць пратэст супраць таго, што адбываецца. Супраць таго, што ў людзей няма працы, і акрамя гэтага, з іх яшчэ спрабуюць узяць падатак. Супраць росту коштаў, супраць беззаконня міліцыі - наогул супраць усёй гэтай улады. Мяняць трэба самага галоўнага чалавека - а тады, дасць Бог, зменіцца і ўсё астатняе. А гэтая бутэлька як бы заклікае: «Баста! Годзе, будзе!».
Сайт Charter97.org вёў онлайн-рэпартаж з Марша абураных беларусаў 2.0.