Apple запатэнтавала гнуткі экран
9- 24.11.2017, 9:53
- 13,612
Прыладу можна будзе складаць, нібы кнігу.
Сёння патэнтны орган ЗША апублікаваў апісанне заяўкі ад Apple, згодна з якой кампанія зарэгістравала патэнт на гнуткі дысплэй.
Раней паведамлялася, што куперцінцы працуюць з LG над смартфонам, які можна будзе складаць - такім чынам, чуткі пацвярджаюцца.
У апісанні гаворыцца пра прыладу, якую можна складаць, нібы кнігу, а на дысплэі можа быць лінія, якая дазваляе матрыцы згінацца ў месцы шарніраў. Згодна з чуткамі, Apple укладзе інвестыцыі ў будаўніцтва завода LG для вытворчасці гнуткіх экранаў.
Таксама ёсць звесткі аб распрацоўцы Apple экранаў з тэхналогіяй microLED, якая ад традыцыйнага OLED адрозніваецца палепшанай яркасцю, насычанасцю колераў і энэргаэфектыўнасцю. Свае распрацоўкі ў галіне гнуткіх экранаў вядуць і іншыя кампаніі - напрыклад, Samsung.