Народны пратэст у Калодзішчах: Беларусы бунтуюць супраць «Амкадора»

Жыхары паселішча пад Менскам надумалі бараніцца ад «чаднага гіганта».

«Жыхары паселішча Калодзішчы пад Менскам супраць таго, каб пашыралі завод «Амкадор», - паведамляе на сваім канале ў Youtube відэаблогер Марат Мінскі.

«За некалькі кіламетраў ад Менска плануюць пашырыць завод. Прэзентацыя праекта прайшла без сур'ёзнага рэзанансу: жыхары Калодзішчаў не адразу ўсвядомілі, што за сюрпрыз ім рыхтуюць. Пачалі капацца ў паперах бліжэй да заканчэння прэзентацыі праекта будаўніцтва новага завода «Амкадора» і высветлілі: ім наогул не паказалі «экалагічны» складнік. Цяпер людзі ўпэўненыя: іх падманулі, побач з іх дамамі і лецішчамі будзе пабудаваны чадны гігант», - гаворыцца ў відэасюжэце.