Аўтамабіль купяць у сем разоў меней беларусаў, чым у «сытыя гады»
8- 7.11.2017, 9:11
- 23,146
Нашая краіна ператвараецца ў «цэх» сартавання, эксплуатацыі і безупыннага рамонту старых аўто.
У Беларусі зарэгістравана амаль 3 млн аўтамабіляў - па аўто на трох чалавек. Мы займаем 41-е месца ў свеце паводле аўтамабілізацыі.
«І шанец захаваць яго маем, бо багатыя людзі ў суседніх краінах будуць купляць гібрыдныя і электрамабілі, а мы працягнем сартаванне, эксплуатацыю і перманентны рамонт старых аўто», - кажа экспэрт праграмы «Асабісты капітал» на канале «Белсат» Міхаіл Залескі.
Але старыя аўтамабілі ездзяць не толькі па беларускіх, але і па еўрапейскіх дарогах. Напрыклад, у Польшчы 33% усіх аўтамабіляў - ужываныя. У Эстоніі - 26%, у Латвіі - 22%.
«У параўнанні з лепшымі, сытымі, як кажуць, 2011 і 2012 гадамі, у гэтым годзе купяюць разоў у сем менш аўто, паводле прагнозаў прадаўцоў. Таму пазбавіцца ад старога і непатрэбнага аўтамабіля будзе цяжэй, чым раней», - прагназуе Міхаіл Залескі.
Найбліжэйшым часам зарабіць на патрыманых аўтамабілях не атрымаецца ні ў каго, але і сам новы аўтамабіль становіцца ўжываным, як толькі выязджае за брамы салона.