Дзяніс Осіпаў: чым магу дапамагчы «Дынама»? Усім магу

Абаронца Дзяніс Осіпаў у пятніцу правёў першую трэніроўку ў статусе гульца менскага «Дынама».

Пасля гэтага хакеіст адказаў на некалькі пытанняў.

- Усе выдатна! Толькі пакуль цяжкавата - усё-такі быў перапынак, некаторы час прапусціў. Але ўжо ўцягваюся. Пасля сыходу з «Лакаматыва» працаваў індывідуальна з трэнерам - і на лёдзе, і ў трэнажорнай зале.

- Ужо разабраліся ў сістэме гульні каманды?

- У агульных рысах так. Але дэталёва з настаўнікамі яшчэ не размаўлялі.

- Раскажыце заўзятарам: якія вашы моцныя бакі? Чым можаце дапамагчы «Дынама»?

- Усім магу. Не прапусціць, дзесьці падключыцца... Галоўнае - згуляць надзейна ў абароне. А астатняе само прыйдзе.

- То бок, вы больш абаронца-дамасед?

- Не сказаць, што прама люблю ляцець наперад, тым не менш, часам падключаюся да атакі. Галоўнае - па справе, а не проста так бегаць.

- Вы даўно выступаеце ў КХЛ. Чым вам помніцца Уфа?

- Нічым асаблівым. Хіба што тутэйшыя заўзятары рэгулярна пішуць мне ў інстаграм і просяць падарыць клюшкі пасля матчу. Нават не ведаю, чаму.

- Якія чаканні ад суботняга паядынку?

- Трэба выйграць і зарабіць тры балы. Для «Дынама» гэта галоўнае. Я паглядзеў у табліцу: у прынцыпе да пятага месца блізу пяці балаў. Трэба браць найбліжэйшыя гульні і прасоўвацца вышэй, - цытуе Осіпава афіцыйны сайт менскага «Дынама».