На канцэрт Народнага хору ў Горадні ніхто не прыйшоў, але артысты выканалі ўсе песні

Пасля выступу артысты нават пакланіліся.

На запланаваны на суботу ў цэнтры горада пераднавагодні канцэрт Народнага хору Гарадзенскага музычнага каледжа ніхто не прыйшоў. Артысты моклі пад дажджом і мокрым снегам на плошчы Леніна, але працягнулі выступленне, піша hrodna.life.

Гарадзенскія калектывы традыцыйна выступаюць на галоўных гарадскіх плошчах напярэдадні Калядаў і Новага года, але нават у добрае надвор'е такія мерапрыемствы не заўсёды карыстаюцца попытам.

Падчас суботняга выступу, нягледзечы на адсутнасць слухачоў, артысты выканалі канцэртную праграму да канца.