У выглядзе Сэрэны Уільямс выпушчаны спічак для каляднай ялінкі
15- 9.12.2017, 12:15
- 10,507
Лімітаваная калекцыя ўпрыгожванняў выяўляе таксама спявачку Беёнсэ і экс-кандыдатку ў прэзідэнты ЗША Гілары Клінтан.
23-разовая чэмпіёнка турніраў "Вялікага шалома" Сэрэна Уільямс стала адной з трох жанчын, у выглядзе якіх былі выпушчаныя спічакі для каляднай ялінкі - так званыя "Калядныя анёлы". Акрамя Уільямс, лімітаваная калекцыя ўпрыгожванняў выяўляе спявачку Беёнс і першую жанчыну-кандыдатку ў прэзідэнты ЗША Гілары Клінтан.
Упрыгожванні выпушчаныя некамерцыйнай арганізацыяй Women To Look Up To ("Жанчыны, на якіх трэба раўняцца"), даступныя ў чатырох памерах і каштуюць ад 80 да 700 фунтаў стэрлінгаў.
Даходы ад продажу ўпрыгожванняў пойдуць на розныя праекты, накіраваныя на ўстанаўленне гендэрнай роўнасці, - паведамляе sports.ru.