Navi здыме кліп на песню для «Еўравізіі» на МТЗ

Спецыяльна для музыкаў завод выдзеліў два трактары.

Гурт NAVI здыме кліп на песню для «Еўравізіі» на Менскім трактарным заводзе, паведаміў БелТА прэс-сакратар ААТ «МТЗ» Павел Тухто.

«На Менскі трактарны завод звярнуўся гурт NAVI з просьбай зняць кліп на песню «Гісторыя майго жыцця», з якой яны будуць выступаць на «Еўравізіі». Вядома ж, была дадзеная згода. Здымкі пройдуць сёння ў цэхах, так і на адкрытай пляцоўцы. Артысты змогуць сесці за стырно, каб праехаць на трактары. Спецыяльна для іх выдзелена два трактары BELARUS-3522», - распавёў Павел Тухто.

Нагадаем, што гурт NAVI выступіць у другім паўфінале «Еўравізіі-2017». Песню «Гісторыя майго жыцця» каманда выканае 11 траўня. Беларусь 14-ым разам возьме ўдзел у самым маштабным музычным шоў Еўропы, і песня на беларускай мове прагучыць на міжнародным конкурсе ўпершыню.

Перш канкурсанты з Беларусі выконвалі кампазіцыі на ангельскай. Удзел у конкурсе возьмуць 43 краіны. У першым паўфінале выступяць 18 краін, у другім - 19.