У метро пачалі па-новаму пазначаць месцы для паджылых людзей
10- 1.03.2017, 18:38
- 28,466
Новыя абазначэнні з'явіліся ў вагонах аднаго з цягнікоў на першай лініі сталічнага метро.
У якасці экспэрыменту ў менскім метро будуць па-іншаму пазначаць месцы для паджылых людзей. Першы цягнік з новымі інфармацыйнымі налепкамі ў вагонах выходзіць ужо сёння. Пра гэта распавёў прэс-сакратар сталічнай падземкі Андрэй Кузьмін, паведамляе tut.by.
Новыя абазначэнні з'явіліся ў вагонах аднаго з цягнікоў на першай лініі метро. Інфармацыйныя паказальнікі тут размешчаныя не над сядзеннямі, а проста на спінках як у наземным транспарце. Такія налепкі з'явіліся на кожным сядзенні каля дзвярэй у кожным сектары.
Эксперимент (пока в одном составе на 1-й линии): вот так будем обозначать в вагонах места для пассажиров преклонного возраста pic.twitter.com/Zkzs6y7tdg
— Minskmetro (@minmetro) 1 марта 2017 г.
Са слоў Кузьміна, пастанову прынялі на падставе зваротаў пасажыраў аб тым, што старыя паказальнікі былі не зусім прыкметныя. Калі экспэрымент пройдзе паспяхова, то гэтую практыку распаўсюдзяць і на іншыя цягнікі.
Эфектыўнасць правераць на падставе таго, ці стануць людзі часцей саступаць месца паджылым і ці будуць скаргі на новаўвядзенне.