Качанава: Дэкрэт «аб дармаедстве» - ідэалагічны

Чыноўніца сцвярджае, што дэкрэт №3 «дапамагае рэалізаваць прынцыпы сацыяльнай справядлівасці».

Гэта адзначыла кіраўніца адміністрацыі Лукашэнкі Наталля Качанава, прадстаўляючы сёння калектыву ААТ «Нафтан» новага генеральнага дырэктара Аляксандра Дзямідава.

«Кіраўнік дзяржавы не аднойчы падкрэсліваў, што ўсе пастановы, якія прымаюцца, накіраваны перш за ўсё на падтрымку людзей. І тут важная сацыяльная справядлівасць. Дэкрэт №3 як раз і накіраваны на тое, каб рэалізаваць прынцыпы сацыяльнай справядлівасці. Гэта не эканамічны, не фінансавы дакумент. Дэкрэт - дакумент ідэалагічны», - адзначыла Наталля Качанава, паведамляе БелТА.

Качанава яшчэ раз засяродзіла ўвагу на тым, што сродкі ад выплаты збору будуць заставацца ў мясцовых бюджэтах і накіроўвацца на дзяцей. «Кіраўнік горада ці раёна павінен вызначыць, куды канкрэтна яны будуць выдаткоўвацца. У адным горадзе гэта можа быць дзіцячую дашкольную ўстанову, у іншым - дзіцячае аддзяленне лякарні або паліклінікі. І кожны кіраўнік горада ці раёна будзе даваць справаздачу на сесіі Савета дэпутатаў аб тым, куды накіраваныя гэтыя сродкі і як выкарыстаныя, да апошняй капейкі», - рэзюмавала чыноўніца.