Фотафакт: у Менск прыехалі чырвоныя iPhone 7
6- 30.03.2017, 14:44
- 12,354
У Менску пачалі прадавацца чырвоныя iPhone 7, якія кампанія Apple прадэманстравала на мінулым тыдні.
Частка даходаў з продажаў навінкі будзе пералічаная ў фонд (RED), чыя праца накіраваная на прафілактыку і барацьбу з ВІЧ. Акрамя колеру, ніякіх тэхнічных адрозненняў ад наяўных у продажы iPhone ў навінак няма, піша onliner.by.
Калі наўпрост бачыш чырвоны iPhone, першае падыходнае апісанне, якое прыходзіць на розум, - «прыкольны». Напэўна, гэта звязанае з тым, што такія яскравыя, насычаныя колеры не часта сустракаеш у топавых смартфонах.
У продажы даступныя чырвоныя iPhone 7 і iPhone 7 Plus, з 128 і 256 ГБ памяці. Коштам умоўныя навінкі не адрозніваюцца ад субратаў звыклай расфарбоўкі.