На некаторых вуліцах Менска будзе забароненая стаянка аўтамабіляў
- 21.04.2017, 15:43
- 15,085
Абмежаванне будзе дзейнічаць 25 красавіка з 7.30 да 20.00.
25 красавіка на некаторых сталічных вуліцах будзе абмежаваная стаянка для машын, паведамляе сайт ГУУС Менгарвыканкама.
- У Менску 25 красавіка з 7.30 да 20.00 будзе абмежаваная стаянка аўтамабіляў па вул. Кульман на адцінку ад вул. Багдановіча да вул. Крапоткіна, а таксама на вул. Арлоўскай - ад вул. Карастаянавай да пл. Бангалор. Абмежаваная будзе паркоўка на вул. Багдановіча - ад пл. Бангалор да вул. Кульман. У Заводскім раёне стаянка будзе абмежаваная на адрэзку вул. Убарэвіча - ад праезду Галадзеда да вул. Ташкенцкай. Таксама непажадана паркавацца ў мясцовым праездзе ўздоўж пр. Незалежнасці ад вул. Русіянава да вул. Старынаўскай, - напісана ў паведамленні.
Дзяржаўтаінспекцыя просіць кіроўцаў не пакідаць свае аўто ў гэтых месцах. Таксама на выездах з горада будзе ўзмоцненае дзяжурства ДАІ, каб там не ўтваралася коркаў.