Лукашэнка засвяціўся на новай Audi Q7

Шыкоўны пазадарожнік мільгануў на кадрах афіцыйнай хронікі.

Яшчэ адзін аўтамабіль з аўтапарка Лукашэнкі засвяціўся перад фота- і відэакамерамі, піша kp.by. Гэтым разам - гэта Audi Q7 перадапошняга пакалення, такія выпускаліся з 2005 да 2015 года. Наўрад ці гэты аўтамабіль куплялі не новым - а гэта значыць, што ў гаражы дыктатара гэтая машына знаходзіцца як мінімум два гады. Цяпер цэны на новыя Q7 пачынаюцца ад 53 тысяч еўраў. Самыя дарагія камплектацыі каштуюць блізу 120 тысяч еўраў.

На такой машыне 16 красавіка Лукашэнка прыязджаў у храм Ператварэння Гасподняга ў горадзе Барань - гэта ў Аршанскім раёне. Аўтамабіль мільгануў у кадрах афіцыйнай хронікі, на ім бачныя так званыя «прэзідэнцкія нумары».