У Дзяржынску з будынка эвакуявалі 57 дзяцей
- 19.05.2017, 9:19
- 8,349
У «Дашкольным цэнтры развіцця дзіцяці» пачалося задымленне.
57 выхаванцаў давялося эвакуяваць з будынка ДУА «Дашкольны цэнтр развіцця дзіцяці» ў Дзяржынску 18 траўня а 16.00.
Як паведамляе прэс-служба Менскага абласнога ўпраўлення МНС, сістэмы аўтаматычнай пажарнай сігналізацыі і перадачы паведамленняў аб надзвычайных сітуацыях «Маланка» выявілі, што ў памяшканні электрашчытавой на першым паверсе пачалося задымленне. Дзяцей эвакуявалі як ратавальнікі, так і адміністрацыя ўстановы. Пацярпелых пры здарэнні няма.
Меркаванай прычынай задымлення называецца парушэнне правілаў эксплуатацыі электрасетак і электраабсталявання.